«Манчестер Сити» бош мураббийи Пеп Гвардиола клуб билан шартномасини узайтириш ҳақида гапирди.
«Ҳақиқат шуки, қолишдан кўра кетишга яқинроқман. Биз клуб билан гаплашдик, кейинги мавсумда қоламан. Аммо ундан кейинги мавсум ҳақида бирор нарса дея олмайман», - дея Гвардиола сўзларини келтиради Фабрицио Романо "Х" ижтимоий тармоғида.
Эслатиб ўтамиз, испаниялик мутахассис «Манчестер Сити»ни 2016 йилдан бери бошқариб келмоқда, унинг амалдаги шартномаси 2025 йилнинг ўрталарига қадар амал қилади. Жамоа 2023/24 йилги мавсумда яна Англия чемпионига айланди.
