“Аталанта” сардори Мартин де Рон “Байер”га қарши Европа лигаси финалидан умидлари билан ўртоқлашди.

"Мен майдонда ҳали ҳам кўп нарсага қодирман. Баъзан, албатта, карьерангизни тугатгандан кейин нима қилиш кераклиги ҳақида ўйлайсиз. Мен ҳам бундан мустасно эмасман ва мураббийлик ҳақидаги баъзи китобларни ўқишни бошладим, лекин ҳозирча бутун эътиборимни футбол ўйнашга қаратганман.

Ҳаммани ютса бўлади. Айни дамда “Байер” енгилмасдек кўринади, аммо, эҳтимол, биз уларни мағлуб этишимиз мумкин. Биз ўз фалсафамизга ишонишимиз, ҳужумкор футбол ўйнашимиз ва уларни мағлуб этишга ҳаракат қилишимиз керак. Кучлиларни мағлуб этмасангиз, кубокни қўлга кирита олмайсиз", - дея де Рон сўзларини келтиради УЕФА матбуот хизмати.

Европа лигаси финали 22 май куни Дублиндаги “Авива” стадионида бўлиб ўтади.