“Atalanta” sardori Martin de Ron “Bayer”ga qarshi Yevropa ligasi finalidan umidlari bilan o‘rtoqlashdi.
"Men maydonda hali ham ko‘p narsaga qodirman. Ba’zan, albatta, karyerangizni tugatgandan keyin nima qilish kerakligi haqida o‘ylaysiz. Men ham bundan mustasno emasman va murabbiylik haqidagi ba’zi kitoblarni o‘qishni boshladim, lekin hozircha butun e’tiborimni futbol o‘ynashga qaratganman.
Hammani yutsa bo‘ladi. Ayni damda “Bayer” yengilmasdek ko‘rinadi, ammo, ehtimol, biz ularni mag‘lub etishimiz mumkin. Biz o‘z falsafamizga ishonishimiz, hujumkor futbol o‘ynashimiz va ularni mag‘lub etishga harakat qilishimiz kerak. Kuchlilarni mag‘lub etmasangiz, kubokni qo‘lga kirita olmaysiz", - deya de Ron so‘zlarini keltiradi UYEFA matbuot xizmati.
Yevropa ligasi finali 22 may kuni Dublindagi “Aviva” stadionida bo‘lib o‘tadi.
