Гари Невилл "Сити"нинг айбловлари Пеп Гвардиоланинг муваффақиятига соя солишини тан олди.
2023 йил февралида Премьер-лига “Манчестер Сити”ни 2009/10 йилги мавсумдан 2017/18 йилги мавсумгача бўлган 115 та турли молиявий қоидаларни бузишда айблади. Суд жараёни 2024 йилнинг кузида бошланиши режалаштирилган.
Аввалроқ, "шаҳарликлар" Гвардиола қўл остида кетма-кет тўртинчи ва 8 мавсумда олтинчи марта Англия чемпионлигини қўлга киритганди.
"Агар кимдир Пепни Премьер-лига тарихидаги энг яхши мураббий деб атаса, Пеп қисқа вақт ичида эришган ютуқларини ҳисобга олсак, буни нотўғри деб айтмаган бўлардим.
Агар кимдир Гвардиолани энг зўр деса, хато бўлмайди. Мен Алекс Фергюсонни айтган бўлардим - албатта. "Ман Сити"га қўйилган 115 та айбловни ҳам эсламоқчи эмасман. Лекин улар олиб ташланмагунча, ҳар доим кичик "лекин" бўлади.
Муваффақиятига қараб Пеп энг яхши деб баҳоланган. Аммо агар улар айбдор деб топилса, унда унинг муваффақияти қоидаларни бузиш пойдеворига қурилган бўлади", - деди "Манчестер Юнайтед"нинг собиқ ҳимоячиси.
