Gari Nevill "Siti"ning ayblovlari Pep Gvardiolaning muvaffaqiyatiga soya solishini tan oldi.
2023 yil fevralida Premyer-liga “Manchester Siti”ni 2009/10 yilgi mavsumdan 2017/18 yilgi mavsumgacha bo‘lgan 115 ta turli moliyaviy qoidalarni buzishda aybladi. Sud jarayoni 2024 yilning kuzida boshlanishi rejalashtirilgan.
Avvalroq, "shaharliklar" Gvardiola qo‘l ostida ketma-ket to‘rtinchi va 8 mavsumda oltinchi marta Angliya chempionligini qo‘lga kiritgandi.
"Agar kimdir Pepni Premyer-liga tarixidagi eng yaxshi murabbiy deb atasa, Pep qisqa vaqt ichida erishgan yutuqlarini hisobga olsak, buni noto‘g‘ri deb aytmagan bo‘lardim.
Agar kimdir Gvardiolani eng zo‘r desa, xato bo‘lmaydi. Men Aleks Fergyusonni aytgan bo‘lardim - albatta. "Man Siti"ga qo‘yilgan 115 ta ayblovni ham eslamoqchi emasman. Lekin ular olib tashlanmaguncha, har doim kichik "lekin" bo‘ladi.
Muvaffaqiyatiga qarab Pep eng yaxshi deb baholangan. Ammo agar ular aybdor deb topilsa, unda uning muvaffaqiyati qoidalarni buzish poydevoriga qurilgan bo‘ladi", - dedi "Manchester Yunayted"ning sobiq himoyachisi.
