"Барселона" сардори Серхи Робертонинг келажаги ҳали ҳам ноаниқ бўлиб турибди. Журналист Хави Мигель берган маълумотларга кўра, "Блауграна" раҳбарияти ҳали ёзда шартномаси тугайдиган тажрибали футболчи билан нима қилишни ҳал қилмаган.
Қайд этилишича, агар бош мураббий Хави Эрнандес истеъфога чиқарилса, Робертонинг "Барселона"ни тарк этиш эҳтимоли юқори. Илгари ярим ҳимоячи "кўк-анорранглилар" билан янги шартнома имзолаш учун маошини камайтиришга тайёр эди.
32 ёшли Роберто жорий Испания чемпионатида 3 та гол урди ва 2 та голли узатмани амалга оширди. Серхи 2010/11 йилги мавсумдан бери "Барселона"да ўйнаб келмоқда.
