Килиан Мбаппе Мадридда кўчмас мулк сотиб олди.
Франциялик футболчи Мадриднинг Ла-Моралеха туманида 18 миллион еврога қаср сотиб олди, деб хабар бермоқда La Razon. Сотиш далолатномаси сешанба куни имзоланган.
Қайд этилишича, Мбаппе бу вариантни танлаган, чунки “Реал Мадрид” базаси у ердан атиги 5 дақиқалик масофада жойлашган.
Мбаппенинг янги уйи ёнида актёр Ричард Гирнинг уйи, рўпарасида эса Серхио Рамоснинг уйи жойлашган. Испаниялик футболчи Мадридга келганида у ерда яшайди.
Аввалроқ француз Рамоснинг қасрини сотиб олиши айтилганди.
Эслатиб ўтамиз, Мбаппе "ПСЖ"дан кетишини май ойида эълон қилган эди. Унинг "Реал"га ўтишга яқин экани хабар қилинганди, бироқ томонлар буни ҳали расман эълон қилмаган.