Ҳужумчи Криштиану Роналду Европа футболига қайтиши мумкин.
TodoFichajes'нинг саудиялик журналист Алхаз Мутабга таяниб хабар беришича, "Байер" бош мураббийи Хаби Алонсо Роналдуни клубга олиб келмоқчи.
Манбага кўра, Алонсо тажрибали Роналду Бундеслига ва Чемпионлар лигасида "Байер"га ёрдам беришига ишонмоқда.
Хабарингиз бор, Леверкузен тарихида илк бор жорий мавсумда Германия чемпиони бўлди. Ҳозирда 39 ёшли Роналду Саудия Арабистонининг “Ан-Наср” клубида тўп тепмоқда.
Португалияликнинг ёзда Европага қайтишига ҳозир ишониш қийин. Биз янгиликларни кузатишда давом этамиз.
