"Манчестер Юнайтед" бош мураббийи Эрик тен Хаг клубдаги икки мавсумидаги муваффақиятларига баҳо берди.
"Қизил иблислар" 2023/24 йилги Премьер-лигада саккизинчи ўринни эгаллади, аммо шанба куни Англия кубоги финалида "Манчестер Сити"ни мағлуб этишса, яна кубокни қўлга киритиши мумкин. Ўтган мавсумда "Манчестер Юнайтед" Англия кубоги финалида "шаҳарликлар"га мағлуб бўлганини, аммо "Ньюкасл"ни мағлуб этиб, Лига кубогини қўлга киритганини эслашимиз мумкин.
“Ҳа, менимча, шанба кунги ғалаба кўп нарсани ўзгартиради – биз яна бир соврин ютиб, еврокубокларга чиқишимиз мумкин. Икки мавсумда учта финал ўйнаш - бу ажойиб натижа, чунки мен келганимда клуб яхши ҳолатда эмас эди. Жорий мавсум жароҳатлар туфайли даҳшатли ўтган бўлсада, сезиларли даражада ўсишга эришдик. Ёзда биз вазиятни ўзгартириш учун чора кўришимиз керак", - дея тен Хагнинг сўзларини келтиради United Stand.
