"Манчестер Сити" бош мураббийи Пеп Гвардиола ўз фаолияти давомида клуб эришган муваффақиятлари ҳақида гапирди.
"Сити" яқинда Гвардиола қўл остида кетма-кет тўртинчи ва саккиз йил ичида олтинчи марта яна Премьер-лигада ғолиб чиқди. Шанба куни жамоа Англия кубоги финалида "Манчестер Юнайтед"ни мағлуб этиб, олтин дублга эришиши мумкин.
“Бизга Премьер-лигада омад кулиб боқди, лекин Чемпионлар лигасида кўп марта омадсизликка учрадик. Бу футбол, буни қабул қилинг ва олдинга интилинг”, - деб жавоб берди Гвардиола “Манчестер Сити”нинг финал олдидан муваффақияти ҳақидаги саволга. “Албатта, клубда узоқ йиллардан буён битта мураббий, битта спорт директори, бошқарув раиси, бош директор ва бошқа одамлар борлиги ҳам ёрдам беради”, деди 53 ёшли мутахассис матбуот анжуманида.
