"Вердер" дарвозабони Мио Бакхаус "Барселона"нинг нишонига айланди. 20 ёшли футболчи мавсумни Нидерландияда ўтказди ва у ерда элит дивизиондан тушиб кетган "Волендам" жамоасида ижара асосида ўйнади.
Журналист Патрик Бергернинг сўзларига кўра, “Барселона” Бакхаус билан шартнома имзолашдан манфаатдор. Каталония грандининг скаутлари жорий мавсум давомида ёш дарвозабон иштирокидаги ўйинларга бир неча бор ташриф буюришган.
Мио Бакхаус "Волендам" учун 34 та ўйинда 80 та гол ўтказиб юборган. Футболчи ҳали "Вердер"нинг асосий жамоасида дебют ўтказгани йўқ.
