"Реал"нинг собиқ ҳужумчиси ва ПСВ собиқ бош мураббийи Руд ван Нистелрой "Лос-Бланкос"нинг 46 ёшли собиқ ҳужумчиси Рауль Гонсалеснинг мураббийлик фаолияти ҳақида фикр билдирди.
“Мен Рауль билан гаплашдимми? Ҳа, биз жуда яхши танишмиз-ку. У "Кастилья"да беш йил ўтказди ва барча ҳурмат билан "Реал Мадрид Кастилья"дан каттароқ нарсага тайёр. Бу барчамизга таниш, жиддий, тайёргарликка эга, ақлли, тажрибали одам... Кўраяпман, у тез орада Бундеслига ёки Ла Лигада мураббий бўлади", - дея ван Нистелройнинг сўзларини келтиради Marca.
2019 йилнинг июнь ойидан бери "Реал Мадрид"нинг собиқ ҳужумчиси Рауль Испания футболининг учинчи кучли дивизионида ўйнайдиган "Қироллик клуби"нинг иккинчи жамоаси "Реал Мадрид Кастилья"ни бошқариб келмоқда.
