Лотар Маттеус "Барселона"нинг Ханси Фликни мураббий этиб тайинлаш истагини қўллаб-қувватлади.
“Мен Ханси учун жуда хурсандман. У "Барселона" билан бир муддат алоқада бўлган ва клуб унга таклиф билан чиққан. Ханси сабр қилди ва энди жаҳон даражасидаги клубга ўтиши мумкин бўлади.
Хансининг услуби "Барселона"га мос келади. У жамоалари ҳужумкор ва жозибали футбол ўйнашини хоҳлайди. Тер Штеген, Гюндоган ва Левандовски уни яхши танийди. У Гюндоганни Германия терма жамоаси сардорига айлантирди, бу эса улар ўртасидаги алоҳида муносабатлар ҳақида гапиради.
"Барселона"да жуда иқтидорли футболчилар бор ва оғир иқтисодий вазиятга қарамай, ҳар доим шартнома тузиш йўлини топадилар. Клубда иқтидорли ўйинчиларни кашф этувчи шахс сифатида танилган Ханси ривожланишига ёрдам берадиган кўплаб дурдоналар ҳам бор.
Гвардиола қўл остида "Барселона" ажойиб ва чиройли футболни ўзида мужассам этган. Ханси бу сеҳрни қайтариши мумкин”, - деди “Бавария”нинг собиқ ҳимоячиси.
