"Манчестер Юнайтед"нинг афсонавий собиқ футболчиси Пол Скоулз Кобби Майнунинг ўйини ҳақида гапирди.
19 ёшли ярим ҳимоячининг голи “қизил иблислар”га Англия кубоги финалида “Манчестер Сити”га қарши ўйинда (2:1) ғалаба келтирди.
Учрашувдан сўнг "Манчестер Юнайтед" тарихидаги энг яхши футболчилардан бири саналган Скоулз ўсиб бораётган юлдузнинг ўйини ҳақида фикр билдирди.
“Ўтган ҳафта мен ОАВда уни ўзим билан солиштиришганини ўқидим. Вақтингизни беҳуда сарфламанг - Майну 19 ёшимдагидан ўн баравар яхшироқ.
Менга унинг тўпни қабул қилиш услуби, хотиржамлиги ва атрофида содир бўлаётган воқеаларни тушуниши ёқади ва, албатта, муҳим учрашувларда муҳим голларни уради", деб ёзди Скоулз ижтимоий тармоқда.
