Леонардо Бонуччи футболчилик фаолиятини якунламоқда.

37 ёшли ҳимоячи мавсумни «Фенербахче» билан якунламоқда. Эртага «Истанбулспор»га қарши ўйин унинг фаолиятидаги сўнггиси бўлади.

«Ушбу ажойиб оиланинг бир қисми бўлганимдан жуда хурсанд бўлдим. Майдонда ҳам, майдон ташқарисида ҳам бор кучимни беришга ҳаракат қилдим, лекин асосийси эртага сўнгги жангимизни ўтказамиз. Фаолиятимни соврин билан якунламоқчиман ва эртага бизда чемпион бўлиш имконияти бор», - дейди италиялик ҳимоячи.

Бонуччи асосан «Ювентус» (2010 йилдан 2017 йилгача, 2018 йилдан 2023 йилгача), «Милан» (2017/18 мавсум) ва Италия терма жамоасидаги (2010 йилдан 2023 йилгача) ўйинлари билан танилган. У 9 марта А Серия, 4 марта Италия кубоги, 5 марта Италия Суперкубогини қўлга киритган, шунингдек, 2021 йилги Европа чемпионлигини қўлга киритган.