«Реал Мадрид» мағлубиятсиз сериясини 25 ўйинга етказди.

Карло Анчелотти шогирдлари Испания чемпионатининг сўнгги турида «Бетис» билан дуранг ўйнади (0:0).

Мадридликлар охирги марта 18 январь куни Испания кубоги доирасида «Атлетико»га (2:4) мағлуб бўлган. Ўшандан бери улар 17 та ғалаба (жумладан, Чемпионлар лигасида «Манчестер Сити» билан пенальтилар серияси) ва 8 дурангга эришган.

1 июнь куни «Реал Мадрид» мавсумдаги сўнгги ўйинини - Чемпионлар лигаси финалида Дортмунднинг «Боруссия»сига қарши ўйнайди.