"Манчестер Юнайтед"нинг собиқ ярим ҳимоячиси Пол Скоулзнинг айтишича, манкунианликлар ярим ҳимоячиси Кобби Майну ундан анча яхшироқ.
“Мен билан бу йигит ўртасидаги таққослашларни ўқинг... вақтингизни беҳуда сарфламанг, у 19 ёшда мендан 10 баробар яхши. Менга шунчаки унинг тўпни қабул қилиш услуби, хотиржамлиги, майдондаги вазиятни тушуниши ва албатта катта ўйинлардаги муҳим голлари ёқади. Бу йигит ўзгача", дейди Скоулз.
Майну жорий мавсумда “Манчестер Юнайтед” сафида дебют қилган ва унда “қизил иблислар” катталар жамоаси сафида барча мусобақаларда 35 та ўйинда қатнашиб, 5 та гол ва 3 та голли узатмани амалга оширган.
