Туриннинг “Ювентус” клуби “Болонья” ҳимоячиси Риккардо Калафьори билан шартнома имзоламоқчи, дея хабар беради Фабрицио Романо.
Малумотларга кўра, 22 ёшли Калафьорининг ўзи бу трансферга қизиқиш билдирмоқда, чунки у "Болонья"дан "Кекса синьора"га ўтган бош мураббий Тиаго Мотта билан ишлашни давом эттирмоқчи. Ҳимоячи аллақачон шахсий шартнома бўйича келишиб бўлган ва клублар ўртасида кейинги музокаралар бўлиб ўтади. Келишувга бошқа футболчилар ҳам киритилиши мумкин.
Жорий мавсумда Риккардо Калафьори “Болонья” сафида 37 та ўйинда майдонга тушиб, 2 та гол урди ва 5 та голли узатмани амалга оширди.
