"Байер" бош мураббийи Хаби Алонсо "Кайзерслаутерн" билан Германия кубоги финал учрашувидаги ғалаба (1:0) ҳақида фикр билдирди.
“Якунда бундай ғалаба учун биз жамоавий руҳимизни кўрсатдик. Биз қаттиқ курашдик, буни клубнинг барча мухлислари учун қилдик. Ҳамма нарсани тушуниш учун менга бироз кўпроқ вақт керак. Бу орзу мавсуми эди. Байрамни нишонлаш ақл бовар қилмайдиган нарса. Биз бундан завқ олишимиз керак.
Биз озчиликда ажойиб жамоавий ўйин кўрсатдик ва жуда интизомли эдик. Жамоа майдонда 10 нафар футболчи билан курашишга тайёр эди ва улар ажойиб иш қилишди. Биз буни келажакда ҳамиша эслаймиз.
Энди барчамизга таътил керак, шунинг учун янги мавсум ҳақида ўйламаймиз", - дея Алонсо сўзларини келтиради Kicker.
2023/2024 йилги мавсумда “Байер” Бундеслигадаги 34 та ўйиндан биттасида ҳам мағлубиятга учрамай Германия чемпионига айланди. 22 май куни Европа лигаси финалида “Байер” “Аталанта”га 0:3 ҳисобида имкониятни бой берди. Бу "Байер"нинг жорий мавсумдаги ягона мағлубияти бўлди.
