"Манчестер Сити" ярим ҳимоячиси Жек Грилиш шаҳар кўчалари бўйлаб ўтган чемпионлик паради вақтида жиддий жароҳат олиши мумкин эди. Бу ҳақда Daily Mail нашри хабар бермоқда.
Англиялик ярим ҳимоячи Премьер-лигадаги ғалабани нишонлаётган вақтда икки марта автобусдан тушиб кетишига сал қолди. Биринчи ҳолатда уни йиқилишдан Жереми Доку сақлаб қолган, кейин эса уни Родри Эрнандес ҳимоя қилган.
Эслатиб ўтамиз, "Манчестер Сити" кетма-кет тўртинчи марта Англия чемпионига айланди. Ушбу мавсумда Премьер-лигада Грилиш 20 та ўйин ўтказди. 28 ёшли ярим ҳимоячида учта гол ва битта голли узатма бор.