"Manchester Siti" yarim himoyachisi Jek Grilish shahar ko‘chalari bo‘ylab o‘tgan chempionlik paradi vaqtida jiddiy jarohat olishi mumkin edi. Bu haqda Daily Mail nashri xabar bermoqda.
Angliyalik yarim himoyachi Premyer-ligadagi g‘alabani nishonlayotgan vaqtda ikki marta avtobusdan tushib ketishiga sal qoldi. Birinchi holatda uni yiqilishdan Jeremi Doku saqlab qolgan, keyin esa uni Rodri Ernandes himoya qilgan.
Eslatib o‘tamiz, "Manchester Siti" ketma-ket to‘rtinchi marta Angliya chempioniga aylandi. Ushbu mavsumda Premyer-ligada Grilish 20 ta o‘yin o‘tkazdi. 28 yoshli yarim himoyachida uchta gol va bitta golli uzatma bor.
