Йозуа Киммих "Барселона"га ўтишни рад этди.
Diario Sport хабарига кўра, Каталония клуби 29 ёшли ярим ҳимоячига таклиф жўнатган, бироқ ҳамкорликнинг молиявий томонидаги қарашлардаги фарқ туфайли музокаралар тўхтаган.
"Бавария"да Киммих солиқлардан олдин тахминан 19,5 миллион евро олади - "Барселона" футболчига бундай суммани тўлашга қурби етмайди. Қайд этилишича, Хави ҳам, Ханс-Дитер Флик ҳам Йозуани жамоада кўришни хоҳлаган.
Ўтган мавсумда ярим ҳимоячи Бундеслигада 28 та ўйин ўтказиб, 1 та гол ва 6 та голли узатмага муаллифлик қилган.
