«Реал Мадрид» бош мураббийи Карло Анчелотти Чемпионлар лигаси финалида қайси дарвозабон асосий таркибда майдонга тушиши ҳақида яна гапирди. Эслатиб ўтамиз, 1 июнь куни «қироллик клуби» турнирнинг ҳал қилувчи ўйинида «Уэмбли»да Дортмунднинг «Боруссия» жамоасини қабул қилади.
“Қайси дарвозабон асосий таркибда майдонга тушади? Бу жуда қийин танлов. Лунин ажойиб мавсум ўтказди, аммо Куртуа - Куртуа. Ўйиндан олдин бир қарорга келаман", - деди Анчелотти матбуот анжуманида.
Куртуа мавсумдаги илк ўйинини май ойининг бошигача ўтказмади. Лунин ноябрь ойидан бери «Реал Мадрид»нинг асосий дарвозабони бўлиб, «Челси»дан ижарага олинган Кепа Аррисабалагани рақобатда ютиб чиқди.
