"ПСЖ" жамоани кучайтириш йўлларини қидирмоқда. Миш-мишларга кўра, Лига 1 гиганти "Манчестер Сити" ярим ҳимоячиси Бернарду Силвага жуда фаол қизиққан. "ПСЖ" маслаҳатчиси Луиш Кампуш ҳамюртини клубга олиб келишга урингани маълум қилинганди.
Энди эса Le Parisen саҳифаларида "ПСЖ" Силва учун курашдан воз кечгани ҳақида маълумот пайдо бўлди. "Манчестер Сити" келаси ёзда 29 ёшли футболчи билан хайрлашмоқчи эмас, шу боис парижликлар бошқа вариантларга ўтишди.
Қайд этилишича, "ПСЖ"нинг ёзги трансфердаги асосий мақсади "Наполи"дан ҳужумкор ярим ҳимоячи Хвича Кварацхелия бўлади.
