"ПСЖ" ва Франция терма жамоаси ҳужумчиси Килиан Мбаппе ҳар йили футбол муҳитида энг катта ютуқларга эришган инсонларни тақдирлаш маросими бўлмиш Globe Soccer Awards бўйича Европанинг энг яхши футболчиси совринини қўлга киритиши ҳақида гапирди.

“Шахс ва спортчи сифатида мен жуда кўп ўзгардим. Ҳозир менда анча тажриба бор ва футбол оламининг ўзига хос жиҳатларидан хабардорман. Футболда кўп мақсадларим бор. Мен Евро-2024 дан бошламоқчиман, кейин эса фаолиятимдаги янги босқичга ўтишни истайман", - деди Мбаппе мукофотни олгандан кейин ўтказилган матбуот анжуманида.