«Барселона» клуби ярим ҳимоячи Серхи Роберто билан шартномани узайтириш жараёнини ҳозирча тўхтатди, деб хабар беради "Mundo Deportivo".
Томонлар 2025 йилгача бўлган шартнома бўйича оғзаки келишувга эришган эди. Аммо Ханс-Дитер Фликни янги бош мураббий этиб тайинлаш ишлари клубни ўз эътиборини ўзгартиришга мажбур қилди. Энди каталонияликлар футболчига қандай маош таклиф қилишларини қайтадан кўришади.
Роберто «Барселона»да қолишни истамоқда, у аллақачон бошқа клубларнинг бир нечта таклифларини рад этган. Серхи клуб раҳбариятига ўз сўзида туришига ишонади.
Роберто «Барселона» тарбияланувчиси ва бутун фаолиятини клубда ўтказган. Жорий мавсумда у 24 учрашувда 3 та гол урди ва 3 та голли узатмани амалга оширди.
