Лондоннинг “Арсенал” клуби ярим ҳимоячи Томас Парти билан хайрлашишга қарор қилди. Бу ҳақда Британия матбуоти хабар берди.
"Канонирлар" раҳбарияти 30 ёшли ганалик футболчини ёзги трансфер ойнасида сотувга қўймоқчи. Африкалик футболчининг бозор қиймати 18 миллион еврога баҳоланмоқда. Парти ва "Арсенал" ўртасидаги амалдаги меҳнат шартномаси келаси йилнинг июнь ойи охиригача амал қилади. Ярим ҳимоячи 2020 йилдан буён лондонликлар сафида тўп тепмоқда.
Англия Премьер-лигасининг сўнгги мавсумида Томас 14 та ўйин ўтказиб, учта сариқ карточка олди.
