«Ювентус» «Аталанта» ярим ҳимоячиси Тён Копмейнерсни ўз сафига қўшиб олмоқчи, дея хабар беради инсайдер Фабрицио Романо.

Қайд этилишича, футболчи «Ювентус» футболчиси бўлишни хоҳлайди. У келаси мавсумдан бошлаб жамоани бошқарадиган Тьяго Моттанинг асосий мақсади ҳисобланади.

Ҳозирча расмий таклиф йўқ. «Ювентус» биринчи навбатда бошқа футболчилар, жумладан Матиас Соуле билан муаммоларни ҳал қилмоқчи.

Аввалроқ «Юве» 26 ёшли нидерланд учун 40+5 миллион евро тўлашга тайёрлиги, бироқ «Аталанта» унинг учун 60 миллион талаб қилаётгани ҳақида хабар берилганди.

Жорий мавсумда у 49 та ўйинда 15 та гол ва 7 та голли узатмани амалга оширди.