"Бавария"нинг янги бош мураббийи Венсан Компани жамоага тайинлангани ҳақида фикр билдирди.
Эслатиб ўтамиз, мюнхенликлар бельгиялик мутахассис учун Англиянинг “Бёрнли” клубига 12 миллион евро тўлаганди.
"Мен жуда фахрланаман ва ғайратлиман. Мени нафақат спорт директорлари Кристоф Фройнд ва Макс Эберл, балки раҳбариятнинг бошқа аъзолари ҳам таклиф қилишди. Ҳозир одамлар менинг номзодлигимга ишонч ҳосил қилдими, бунинг аҳамияти йўқ. Майдондаги ишим билан ҳаммасини исботлашга ҳаракат қиламан. Ишончим комилки, ҳамма бахтли бўлади" - деди Компани матбуот анжуманида.
