«Милан» раҳбарияти ёзги трансфер ойнасида жамоа таркибини кучайтирмоқчи. "Gazette Dello Sport" хабарига кўра, «россонерилар» янги футболчилар учун 100 миллион евро сарфлашга тайёр. Бу янги бош мураббий Паулу Фонсека келиши билан амалга оширилади.
Ёзги трансфер ойнасида миланликлар клуби ҳужумчи, иккита ҳимоячи ва таянч ярим ҳимоячини сотиб олмоқчи. А Серия вице-чемпиони қуйидаги футболчиларга қизиқиш билдирмоқда: Жошуа Зиркзее («Болонья»), Юсуф Фофана («Монако»), Игор Жулио («Брайтон») ва Эмерсон («Тоттенхэм»).
Мавсум якунига кўра, Италия чемпионатида «Милан» 75 очко жамғариб, иккинчи ўринни эгаллади.
