«Барселона»нинг бразилиялик ҳужумчиси Рафинья Диаснинг клубдаги келажаги сўроқ остида.

"Mundo Deportivo" нашрининг ёзишича, Саудия Арабистонининг энг кучли клубларидан бири Рафинья учун «Барcелона»га камида 100 миллион евро тўлашга ва ҳозирги маошини икки баравар ошириб бериши мумкин.

Бироқ, Рафинья ва унинг оиласи Каталонияда ўзини жуда қулай ҳис қилмоқда. У аллақачон биринчи таклифни рад этган ва қанча пул таклиф қилишмасин уни Саудия Арабистонига кўчиб ўтишга кўндириш осон бўлмайди. У Англиянинг топ клубидан таклиф бўлган тақдирдагина «Барcа»ни тарк этишни ўйлаб кўриши мумкин.

Ҳар ҳолда Рафинья биринчи навбатда Ханс Фликнинг у ҳақида қандай фикрда эканлигини билишни хоҳлайди.