Фрэнк Лэмпард «Бёрнли»ни бошқариши мумкин.

"The Times" хабарига кўра, инглиз мутахассисиси «Бавария»га кетган Венсан Компани ўрнига номзодлар рўйхатидан жой олган.

45 ёшли Лэмпарднинг сўнгги иш жойи «Челси» бўлиб, у ўтган мавсум охирида уни тарк этганди.

«Бёрнли» бош мураббийи лавозимига даъвогарлар рўйхатида Компаниянинг вақтинчалик тайинланган ёрдамчиси Крейг Беллами ва «Брюгге»нинг собиқ менежери Скотт Паркер ҳам бор.

Янги бош мураббийга жорий мавсумда 24 очко билан 19-ўринни эгаллаб Чемпионшипга тушиб кетган «Бёрнли»ни Премьер-лигага қайтариш вазифаси юкланади.