Бразилия терма жамоаси ва Бирмингемнинг “Астон Вилла” клуби ярим ҳимоячиси Дуглас Луис “Туманли Альбион”ни тарк этиши мумкин. Ярим ҳимоячи Италия чемпионатида ўйнаш имкониятига эга.
Дугласга Туриннинг "Ювентус" клуби қизиқиш билдирмоқда. "Кекса синьора" Бирмингем клуби вакиллари билан алоқада. Туринликлар "шерлар"га маълум миқдорда пул ва Уэстон Маккенни ҳуқуқларини таклиф қилишди, аммо британияликлар рад жавобини беришди.
Луиснинг бозор қиймати 70 миллион еврога баҳоланмоқда. Ўтган мавсумда ярим ҳимоячи 53 та ўйинда майдонга тушиб, 10 та гол ва 10 та голли узатмага муаллифлик қилган.
