УЕФА Чемпионлар лигасининг 2023/2024 йилги мавсуми финал ўйинида ғалаба қозонгани учун бериладиган мукофот пули миқдори маълум бўлди.
"The Sun" газетаси журналистларининг хабар беришича, ғолиб жамоа ўз ҳисобини 19,9 миллион евро билан тўлдиради. Бу миқдор телевидение ҳуқуқларидан олинган даромадларни ўз ичига олмайди. Мағлуб бўлган клуб 15 миллион евро олади.
Чемпионлар лигасининг ҳал қилувчи баҳсида Мадриднинг «Реал» клуби Дортмунднинг «Боруссия» жамоаси билан учрашади. Учрашув Лондондаги «Уэмбли» стадионида бугун, 1 июнь куни бўлиб ўтади. Қарама-қаршилик Тошкент вақти билан соат 00:00да бошланиши режалаштирилган.
