Германия терма жамоасининг собиқ ҳимоячиси Хайко Вестерманн "Барселона" билан музокаралар олиб бормоқда.
40 ёшли мураббий тез орада Ханс-Дитер Фликнинг мураббийлар штабига қўшилиши кутилмоқда, дея хабар беради журналист Рожер Торелло.
Келишув ҳали имзоланмаган, бироқ томонлар уни тузиш устида фаол ишламоқда. Ҳозирда Вестерманн Германия ёшлар терма жамоасида ёрдамчи лавозимини эгаллаб турибди. Немис мураббийи футболчи сифатида “Шальке-04”, “Гамбург”, Испаниянинг “Бетис” ва Нидерландиянинг “Аякс” клубларида тўп тепган.
Собиқ марказий ҳимоячи футболчилик фаолиятини 2018 йилда якунлаганди.
