УЕФА Чемпионлар лигаси финал учрашувида Мадриднинг «Реал» клуби Дортмунднинг «Боруссия» жамоасига қарши майдонга тушди. Испан клуби 2:0 ҳисобида ғалабани нишонлади ва 15-марта кубокни қўлга киритди.
Касаллиги сабабли ҳал қилувчи баҳсни ўтказиб юборган «қаймоқранглилар»нинг украиналик дарвозабони Андрей Лунин фаолиятида иккинчи марта Чемпионлар лигаси ғолибига айланди. У бу чўққига икки марта эришган тарихда биринчи украиналик ҳисобланади.
Якунланган Чемпионлар лигасида Лунин саккизта ўйин ўтказди, шулардан иккитасида ўз дарвозаси дахлсизлигини сақлаб қолди. Эслатиб ўтамиз, финалда бельгиялик Тибо Куртуа мадридликлар дарвозасини қўриқлади.
