Дортмунднинг “Боруссия” клуби бош директори Ханс-Йоахим Вацке УEФА Чемпионлар лигаси финал учрашувида “Реал”дан учралган мағлубият ҳақида гапирди.
“Жамоа яхши ўйнади ва биринчи бўлимда гол уриши керак эди. Яхши ўйнадик, футболчиларни айблаб бўлмайди. Финалда шундай имкониятларни бой берсангиз, якунда “Реал” ютади. Улар буни кўп марта қилишган", - деди клуб раҳбари.
Финал “Уэмбли” стадионида бўлиб ўтди ва “қироллик” клубининг 2:0 ҳисобидаги ғалабаси билан якунланди. Мадридликлар сафида голларга Дани Карвахаль ва Винисиус Жуниор муаллифлик қилишди.
