Ярим ҳимоячи Тони Кроос "Реал" сафидаги сўнгги ўйиндан сўнг фикрларини билдириб ўтди.
"Менинг миннатдорчилигим биринчи навбатда рафиқамга қаратилган. У мени фаолиятим давомида қўллаб-қувватлади. Футболдан ташқарида яхши шахсий ҳаётга эга бўлиш муҳим.
Мураббийларимни ҳам айтиб ўтмоқчиман. Бошида Юпп Хайнкес менга катта ёрдам берди. Карло Анчелотти мени Мадридга олиб келди ва биз бирга бўлдик. Зинедин Зидан қўл остида Чемпионлар лигасида кетма-кет учта ғалаба қозонган вақт ҳам бўлди. Муваффақият учун менда жуда яхши шароитлар бор эди", - деди Кроос.
Аввалроқ, 34 ёшли ярим ҳимоячи Евро-2024'дан кейин футболчилик фаолиятини якунлашини маълум қилганди.
