"Реал Мадрид" дарвозабони Андрей Лунин ўтган мавсумдаги энг яхши ўйини ҳақидаги саволга жавоб берди.
"Биз ғалаба қозонган Чемпионлар лигасининг финал ўйини. Мен ўйнамадимми? Ҳа, лекин биз ғалаба қозондик", - деди Лунин Madrid Zone билан суҳбатда.
2023/24 йилги мавсумда Лунин барча турнирларни ҳисобга олган ҳолда 31 та ўйин ўтказиб, 32 та гол ўтказиб юборди ва 12 марта ўз дарвозаси дахлсизлигини сақлаб қола олди.
Луниннинг "Реал" билан шартномаси 2025 йилнинг ёзига қадар амал қилади. Transfermarkt портали футболчининг нархини 16 миллион еврога баҳоламоқда.
Эслатиб ўтамиз, ўтган мавсум якунларига кўра, “Реал” Карло Анчелотти бошчилигида Испания чемпиони бўлди, мамлакат Суперкубогини қўлга киритди ва Чемпионлар лигасида ғолиб чиқди.
