"Барселона" ҳимоячиси Рональд Араухо келажаги ҳақида фикр билдирди.
"Хавотир олмайман. Клуб билан амалдаги шартномам 2026 йилгача мўлжалланган. Вакилларим раҳбарият билан музокаралар олиб боришади, аммо ҳозир бор эътиборимни Уругвай терма жамоасига қаратганман", - деди Араухо.
Ўтган мавсумда 25 ёшли ҳимоячи барча турнирларни ҳисобга олган ҳолда 37 учрашувда майдонга тушиб, битта гол урди ва иккита голли узатмани амалга оширди.
Transfermarkt портали маълумотларига кўра, Араухонинг нархи 70 миллион еврога тенг. Эслатиб ўтамиз, "Барселона" мавсумни Ла Лига турнир жадвалида иккинчи ўринда якунлади.
