"Барселона" таркибни кучайтириш режаларини кўриб чиқмоқда.
A Bola нашри хабарига кўра, Каталония клуби "Манчестер Юнайтед" ярим ҳимоячиси Бруну Фернандешга қизиқиш билдирмоқда. Қайд этилишича, "кўк-анорранглилар" молиявий қийинчиликларини инобатга олган ҳолда келаси ёзда бундай келишувни амалга ошириш жуда қийин бўлади.
Transfermarkt портали Бруну Фернандешни 70 миллион еврога баҳоламоқда. Аввалроқ, Мюнхеннинг "Бавария" клуби 29 ёшли португалиялик футболчини ўз сафига қўшиб олиш чораларини кўраётгани ҳақида хабарлар тарқалган эди.
2023/2024 йилги мавсумда Фернандеш 48 та расмий ўйинда 15 та гол урди ва 13 та голли узатмани амалга оширди.
