Антонио Конте Ромелу Лукакуни "Наполи"га ўтказишни хоҳлайди.
Жанлука Ди Марсионинг сўзларига кўра, неаполликлар жамоасининг бўлажак мураббийи “Челси” ҳужумчиси билан боғланиб, эҳтимолий трансфер масаласини муҳокама қилган. Бельгиялик футболчи "Арсенал" қизиқиш билдираётган Виктор Осимхенга ўринбосар бўлади.
"Наполи" учун муқобил вариант - "Жирона" ҳужумчиси Артем Довбикнинг трансфери. Украиналик футболчи ўтган мавсумда 24 та гол уриб, Ла Лиганинг энг яхши тўпурари бўлди.
Лукаку 2023/24 йилги мавсумда "Рома"да ижара асосида ўйнаган. А Сериянинг 32та учрашувида у 13та гол урди ва 3та голли узатмани амалга оширди.
