"Манчестер Юнайтед" футболчиси Омари Форсон фаолиятини бошқа клубда давом эттиради. 19 ёшли вингер "қизил иблислар"ни эркин агент сифатида тарк этади, дея хабар беради инсайдер Фабрицио Романо.
Футболчининг июн ойи охиригача бўлган шартномаси узайтирилмайди. Омари Форсон "Манчестер Юнайтед" сафида Англия Премьер-лигасида феврал ойида "Вулверхэмптон"га қарши ўйинда дебют қилган ва бу учрашув Эрик тен Хаг жамоасининг 4:3 ҳисобидаги ғалабаси билан якунланган эди.
Умуман олганда, ёш футболчи манкунианликларнинг асосий таркибида барча мусобақаларда еттита учрашувда битта голли узатмани амалга оширган.
