Хорватия терма жамоаси ярим ҳимоячиси Матео Ковачич жамоадоши Лука Модрични мақтади. Эслатиб ўтамиз, Матео "Реал Мадрид"да ҳам Лука билан бирга ўйнаган.
“Модричнинг фаолияти ноёбдир. Биз у билан бирга ўйнаганимиздан бахтиёрмиз. У нафақага чиққач, биз унинг таъсирини ҳис қиламиз. Лука - феномен, "Реал Мадрид"нинг энг кекса футболчиси, у жамоа учун муҳим бўлиб қолмоқда. Унинг ўрнини Хорватияда ёпиш мумкинми, билмайман. Бунинг учун жуда кўп ўйинчилар, бутун бир жамоа керак бўлади", - деди Ковачич Diario AS нашрига берган интервьюсида.
Модрич фаолияти давомида 6 марта Чемпионлар лигасида ғолиб чиққан, шунингдек, жаҳон чемпионатининг кумуш ва бронза медалларини қўлга киритган.
