Собиқ футболчи ва собиқ спорт функционери Мишель Платини УEФА раҳбари Александер Чеферин ва ФИФА президенти Жанни Инфантинони танқид қилди.
"Мен кўплаб менежерларни биламан, уларни аввал ҳам билардим, лекин Чеферин ва Инфантино ҳеч ким эмас, улар фақат пул ҳақида ўйлашади. Улар янги аҳмоқона Чемпионлар лигасини яратдилар, ҳозирда жуда кўп ўйинлар бор. Мен футболни футбол тажрибасига эга одамлар бошқаришини истардим. Ўйинни ҳақиқатан ҳам тушунадиганлар.
Бугунги кунда бу спорт тури тарихсиз бошқарувчилар ва тактикага берилиб кетган мураббийлар қўлида. Мураббийлар ҳозир фақат доскада схематик чизмаларни қандай чизишни билишади. Лекин футбол ўйин, шунинг учун футболчилар эркин ўйнасин", - дея Платинининг сўзларини келтиради RMC Sport.
