Франция терма жамоаси ҳужумчиси Килиан Мбаппе ўзининг ажойиб голлар статистикасини яхшилади. Кеча Люксембург терма жамоасига қарши ўтказилган ўртоқлик учрашувида (3:0) "Реал"нинг янги аъзоси барча голларда иштирок этди. У иккита голли узатмани амалга оширди ва битта гол урди.
Squawka.com қайд этганидек, Мбаппе катталар даражасидаги клублар ва терма жамоа учун жами 446 ўйинда 465 та самарали ҳаракат қилган. Шу тариқа, 25 ёшли форвард ўртача ҳисобда ҳар бир ўйинда биттадан кўпроқ гол киритишда бевосита иштирок этмоқда.
