Fransiya terma jamoasi hujumchisi Kilian Mbappe o‘zining ajoyib gollar statistikasini yaxshiladi. Kecha Lyuksemburg terma jamoasiga qarshi o‘tkazilgan o‘rtoqlik uchrashuvida (3:0) "Real"ning yangi a’zosi barcha gollarda ishtirok etdi. U ikkita golli uzatmani amalga oshirdi va bitta gol urdi.
Squawka.com qayd etganidek, Mbappe kattalar darajasidagi klublar va terma jamoa uchun jami 446 o‘yinda 465 ta samarali harakat qilgan. Shu tariqa, 25 yoshli forvard o‘rtacha hisobda har bir o‘yinda bittadan ko‘proq gol kiritishda bevosita ishtirok etmoqda.
