Transfermarkt Италия чемпионатининг энг арзонлашаган футболчилари рўйхатини эълон қилди.

Нархлар янгиланганидан кейин биринчи ўринни "Наполи" ҳужумчиси Виктор Осимхен эгаллади, у 32 та ўйин ўтказиб, 17 та гол урди ва 4 та голга ассистентлик қилди. Transfermarkt 25 ёшли футболчини 100 миллион еврога (-10 миллион евро) баҳоламоқда.

Иккинчи ўрин "Фиорентина" вингери Николас Гонсалесга насиб этди. 2023/2024 йилги мавсумда футболчи майдонда 44 та ўйин ўтказиб, 16 та гол урди ва 5 та голли узатмани амалга оширди. Унинг бозордаги нархи 5 миллионга ўзгариб, 35 миллион еврога тушди.

“Ювентус” вингери Федерико Кьеза учинчи ўринни эгаллади. Италиялик футболчи ўтган мавсумда 37 та ўйинда майдонга тушиб, 10 та гол урди ва 3 та голга ассистентлик қилди. 26 ёшли футболчининг нархи 5 миллион еврога пастлади ва 35 миллион еврога тушди.