Массимилиано Аллегри "Ювентус"дан кетганидан кейин таътилга чиқишни режалаштирмаяпти. Машҳур журналист Жанлука ди Марцио сайтида хабар қилинганидек, Аллегри ишлаш вариантларига очиқ, бироқ уни “Лацио” қизиқтирмаяпти, “Милан” эса Паулу Фонсекани танлаган.
Ди Марционинг сўзларига кўра, Аллегрига Саудия клубидан 3 йиллик шартнома таклифи бор. Бироқ италиялик мутахассис бундай қадам ўзига тўғри келишига ишончи комил эмас.
Қайд этилишича, Аллегри Премьер-лигадан қўнғироққа умид қилмоқда. Италиялик мутахассис Англияда ишлашдан хурсанд бўларди - эҳтимол "Манчестер Юнайтед" ёки "Тоттенхэм"да.
