ФИФА Қозоннинг “Рубин” клубидан санкцияларни бекор қилди.
Россия клуби Оливер Абилдгорд трансфери учун "Ольборг" олдидаги қарзини тўлаган. Санкциялар туфайли муаммолар пайдо бўлганди - данияликлар билан банк тўловлари борасида муаммолар келиб чиқди.
“Рубин” вазиятни воситачилар орқали ҳал қила олди. Энди пул тўлиқ ўтказиб берилди. "Ольборг" ФИФАни хабардор қилди ва Россия клубидан трансфер тақиқи олиб ташланди.
Эслатиб ўтамиз, Оливер Абилдгорд айни дамда Италияда "Комо" сафида тўп тепмоқда. Даниялик футболчи "Рубин"ни бир ярим йил аввал тарк этганди.
